ଝାନ୍ସୀ/ନ୍ୟାୟଭୂମି ସମ୍ବାଦ(ବ୍ୟୁରୋ)
୧୬ତମ ଜାତୀୟ ବରିଷ୍ଠ ପୁରୁଷ ହକି ଚାମ୍ପିଅନସିପ୍ରେ ଓଡ଼ିଶା ପୁରୁଷ ହକି ଦଳ ଚମତ୍କାର ପ୍ରଦର୍ଶନ କରିଛି। ଝାନ୍ସୀଠାରେ ଆୟୋଜିତ ଏହି ପ୍ରତିଯୋଗିତାରେ ଓଡ଼ିଶା ଦଳ ଛତିଶଗଡ଼କୁ ୯-୧ ଗୋଲ୍ର ବଡ଼ ବ୍ୟବଧାନରେ ପରାସ୍ତ କରି ପୁଲ୍-ଏକୁ ଉନ୍ନୀତ ହୋଇଛି।
ଏହି ବିଜୟ ସହ ଓଡ଼ିଶା ଦଳ ଜାତୀୟ ସ୍ତରରେ ନିଜର ଦକ୍ଷତା ଓ ଶକ୍ତି ପ୍ରଦର୍ଶନ କରିବା ସହ ପରବର୍ତ୍ତୀ ପର୍ଯ୍ୟାୟ ପାଇଁ ଆଶା ସଞ୍ଚାର କରିଛି। ଦଳର ଏହି ସଫଳତା ଓଡ଼ିଶାର କ୍ରୀଡ଼ାପ୍ରେମୀଙ୍କ ମଧ୍ୟରେ ଆନନ୍ଦ ଓ ଉତ୍ସାହ ସୃଷ୍ଟି କରିଛି।
ଓଡ଼ିଶା ପୁରୁଷ ହକି ଦଳର ଏହି ଉଲ୍ଲେଖନୀୟ ବିଜୟ ପାଇଁ ବିଭିନ୍ନ ମହଲରୁ ଶୁଭେଚ୍ଛା ଓ ଅଭିନନ୍ଦନ ଜଣାଯାଇଛି। ଆଗାମୀ ମ୍ୟାଚ୍ଗୁଡ଼ିକରେ ମଧ୍ୟ ଦଳ ଉତ୍କୃଷ୍ଟ ପ୍ରଦର୍ଶନ ଜାରି ରଖି ଓଡ଼ିଶା ପାଇଁ ଗୌରବ ଆଣିବ ବୋଲି କ୍ରୀଡ଼ାପ୍ରେମୀମାନେ ଆଶା ପ୍ରକାଶ କରିଛନ୍ତି।
